Sport
Ylli i ardhshëm pritet nga kryetari i komunës
Rion Xhemajli me prejardhje nga Gjilani, edhe pse vetëm 14-vjeçar po lë gjurmë në futbollin zviceran
Kryetari i Komunës së Gjilanit, Lutfi Haziri, ka ftuar në zyrën e tij sportistin e ri gjilanas, Rion Xhemajli vetëm 14 vjeçar, i cili jeton në Zvicër me qëllimin e vetëm për t’i dhënë mbështetjen dhe njëkohësisht për ta falënderuar për sukseset e arritura në klubin sportiv të Solothurnit dhe në përfaqësuesen e futbollit të Zvicrës U15, njofton faqja e kësaj komune.
“Rion Xhemajli, është një yll i madh në ngritje. Ky tashmë Gjilanin dhe Kosovën e ka bërë krenar me sukseset dhe angazhimet e tij. Është një hero i ri me moshë i Gjilanit në Zvicër, por me një të ardhme që pritet shumë nga ky. Sukseset në këtë familje janë edhe më të mëdha, sepse edhe motra binjake e Rionit është e suksesshme në U17 dhe që të dy janë dy e tri vite përpara gjeneratës së tyre”.
“Kjo është gjenerata e tretë e mërgimtarëve në diasporë, që po vulos suksese në shumë fusha si në kulturë, sport, arsim, shëndetësi ekonomi dhe gjitha fushat e tjera, krahas shtetasve të vjetër në Zvicër”, ka thënë kryetari Lutfi Haziri, derisa ka përgëzuar të gjithë bashkatdhetarët të cilët janë të angazhuar në forma të ndryshme në mërgatë, përcjell albinfo.ch.
Rioni shkurtimisht ka thënë se prioritet e ka angazhimin maksimal në fushën e sportit dhe të jetës në përgjithësi.
“Angazhohem dhe po punoj që të mos zhgënjej Gjilanin, Kosovën dhe as familjen time, e cila më mbështet në çdo hap. Ai ka falënderuar njëkohësisht kryetarin Haziri për ftesën dhe motivin që i ka dhënë për të vazhduar më tutje në punën e tij”, ka thënë Xhemajli.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane