Kosova
19-vjetori i Betejës së Zhegocit, nisin punimet për autostradën e Gjilanit
Haradinaj tha se këtë vit ndihemi më mirë se vitet tjera, kur i kujtojmë të rënët për liri, sepse, po bëhemi bashkë, po bashkohet Presheva me Prishtinën
Në 19-vjetorin e Betejës së Zhegocit kanë nisur punimet edhe për autostradën Prishtinë-Gjilan-Dheu i Bardhë, në të cilën morën pjesë Kryeministri Haradinaj dhe disa anëtar të kabinetit qeveritar, përcjell albinfo.ch. Kryeministri, Ramush Haradiaj së bashku më zyrtarët e tjerë përfshirë edhe ata komunal fillimisht bënë homazhe te lapidari i dëshmorëve të rënë në këtë betejë.
Haradinaj tha se këtë vit ndihemi më mirë se vitet tjera, kur i kujtojmë të rënët për liri, sepse, po bëhemi bashkë, po bashkohet Presheva me Prishtinën.
“Autorruga që lidh Gjilanin-Dheun e Bardhë, i lidh shqiptarët, ekonominë, por edhe ndjenjat”, tha kryeministri, duke shtuar se rreth 87 milionë euro të pjesës së parë të projektit janë të zotuara dhe kohëzgjatja e realizimit është 30 muaj”, ka thënë ai. Ndërsa Ministri i Infrastrukturës, Pal Lekaj tha se, falë gjakut të dëshmorëve, tash ka mundësi të investimeve dhe modernizimit të infrastrukturës rrugore. Ministri Lekaj njoftoi gjithashtu se në fillim të vitit 2019 do të fillojë autostrada tjetër Istog-Pejë-De çan-Gjakovë.
Ndërkaq, kryetari i Komunës së Gjilanit, Lutfi Haziri, tha se ky integrim i jep Kosovës mundësi, që edhe në korridorin e kombit, Anamorava dhe kjo pjesë, të integrohen më pak se gjysmë ore, por edhe Kosovës në daljen e korridorit të dhjetë ndëkombëtar, që është Shkup-Selanik. Autostrada Prishtinë – Gjilan – Dheu i Bardhe do të jetë 22.6 kilometra, me katër korsi dhe të gjitha standardet e nevojshme dhe që do të shkurtojë kohën e lëvizjes nga Prishtina në Gjilan, e në këtë drejtim edhe me Kosovën Lindore dhe anasjelltas.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit