AUTOTECH

Më 2017 u shitën më pak telefona se më 2016

Kompania “IDC” ka publikuar të dhënat për vitin e shkuar të shitjes së telefonave të mençur, dhe ka treguar se kompanitë më 2017 shitën 0.5 për qind më pak se një vit më herët.

Sipas “IDC”-së, më 2017 u shitën 1.46 miliard telefona të mençur, shumica dërrmuese me sistem Android ose iOS.

Analistët megjithatë parashohin një rritje prej 2.8 për qind në pesë vitet e ardhshme, për të arritur në 1.68 miliardë njësi të shitura nga viti 2022, transmeton Albinfo.ch.

Ruan Reith nga “IDC”, ka thënë se faktor i madh për këtë rënie është tregu i Kinës, që ra për pesë për qind.

Sipas parashikimeve për vitin 2018, telefonat më të mëdhenj se 5.5-inç, do të tejkalojnë telefonat e tjerë të mençur.