Lajme

3 ishujt Ksamil kanë bukuri të pazbuluara në Shqipëri

“Europian Best Destination” ka ftuar turistët që të vizitojnë një ndër plazhet më të mira të Evropës për 2016. Bëhet fjalë për Ksamilin në Shqipëri.

“A jeni gati të zbuloni plazhet më të mira në Evropë? Ne ju sjellim një përzgjedhje të plazheve më të mira të kontinentit për t’u relaksuar, për të bërë festa, madje edhe vetëm për të ecur“- shkruan artikulli i një ndër agjencive me prestigjioze evropiane.

Duke i ftuar të gjithë turistët e “zjarrtë” të plazheve që të bëjnë gati valixhet, syzet dhe kremin e diellit, zbuloni disa nga plazhet-parajsë, përcjellin mediat e Tiranës.

Plazhi i Ksamilit gjendet në mesin e plazheve të tjera marramendëse të Kroacisë, Spanjës, Portugalisë, Ishulli i Korsikës, si dhe plazhet e fqinjëve tanë grekë dhe ato italianë.

“3 ishujt Ksamil kanë bukuri të pazbuluara të këtij vendi. Ata kanë mbetur jeshilë gjatë gjithë vitit dhe mund të aksesohen me varka të vogla. Por, ka raste që njerëzit shkojnë edhe me not. Ujërat e pastra në thellësi i bën plazhet përreth ishujve të jenë më të veçanta”, shkruan për plazhin në jug të Shqipërisë “Europian Best Destination”.