Integrimi

3 shqiptaro-zviceranë zgjidhen këshilltarë në Komunën e Ecublens VD

Naser Iseni, Murat Ademi dhe Arianda Zeka nga Partia Socialiste kanë siguruar për herë të parë nga një ulëse në Komunën Ecublens në zgjedhjet për asambletë komunale që u mbajtën të dielën në Kantoniun Vaud.

N. Iseni, me profesion mekanik, ka falënderuar votuesit, sidomos komunitetin shqiptar, që ishin më të mobilizuar për të dalë në votime.
Ai është i 14-ti në listë, me 826 vota.

Për Asamblenë Komunale të Ecublens me Partinë Socialiste (SP) është zgjedhur edhe Arianda Zeka (frizere dhe mësuese, me prejardhje nga Rahoveci), e cila ka fituar 846 vota dhe Murat Ademi (pronar i një restoranti, nga Ferizaj) nga e njëjta parti, i cili ka fituar 840 vota.

Ecublens është qyteti i 10-të i kantonit Vaud. Më herët ishte konsideruar si fshat, ndërsa tash ka marrë primatin e qytetit.

Në këtë komunë, me 13 mijë banorë, jozyrtarisht thuhet të jetojnë rreth 700 banorë shqiptarë.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/3-shqiptaro-zvicerane-zgjidhen-keshilltare-ne-komunen-e-ecublens-vd/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.