Sport
4 shqiptarë në mesin e 42 pjesëmarrësve të Kampionatit Zviceran të Tenisit për të rinj
Pjesëmarrësit janë: Artan Sadriji, Jasin Jakupi, Albin Maroci dhe Sokol Jakëa
Shqiptarët e brezit të ri në Zvicër nuk janë më vetëm futbollistë dhe boksierë të shkëlqyer. Prej disa vitesh shumë nga fëmijët dhe të rinjtë tanë, të lindur këtu, janë orientuar edhe në sporte më pak “tipike” për shqiptarët. Si në tenis për shembull. Duket se në këtë sport së shpejti do të mund të flasim për yjet shqiptare. Disa prej tyre janë në ardhje dhe kanë dhënë tashmë mjaft prova për talentin e tyre. Një dëshmi në këtë drejtim është pjesëmarrja e 4 të rinjve me prejardhje shqiptare në Kampionatin e Tenisit për të Rinj, i cili mbahet në këtë fundjavë në Bernë.
Këtë të shtunë dhe të dielë pra do të mbahet kualifikimi për Kampionatin e Zvicrës në tenis për të rinj ose “Junior Champion Trophy Winter 2018“. Në këtë aktivitet, të drejtë pjesëmarrjeje kanë vetëm 42 tenistët më të mirë të Zvicrës për grupmoshat. Është ngjarja më e rëndësishme e tenisit në Zvicër, që mbahet dy herë në vit.
Sikurse edhe në vitet e fundit, në këtë aktivitet merr pjesë edhe Artan Sadriji, për të cilin albinfo.ch ka shkruar tashmë disa herë. Ai është bërë i njohur për sukseset e deritashme në tenis, ku prej disa vitesh është njëri ndër më të mirët në Zvicër për moshën e tij.
Jasin Jakupi
Por, kësaj radhe në mesin e 42 pjesëmarrësve janë edhe tre shqiptarë tjerë. Fjala është për Jasin Jakupin, Albin Marocin dhe Sokol Jakën.
albinfo.ch do të kontaktojë dhe prezantojë së shpejti këta tenistë të rinj.
Kampionati mbahet në Bernë dhe në disa qytete në rrethinë të Bernës. 16 garuesit qeëdalin të parët, sigurojnë pjesëmarrjen në finale.
E-Diaspora
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër Kushdo që merr këtë letër dhe nuk e identifikon si mashtrim, sigurisht që do të ketë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Zvicër
-
Mungesa e banesave në Cyrih dhe qiratë e larta nxisin trendin e ‘sublet’ Një numër në rritje i apartamenteve në Cyrih po jepen me nënqira, përcjell albinfo.ch. Sipas ekspertit...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni