Shkurt.ch
4500 kamionë më tepër rrugëve të Zvicrës
Gjatë muajit gusht ka pasur një rritje prej 6 për qind të numrit të kamionëve që kanë kaluar përmes tunelit Gotthard dhe 7 për qind përmes San Bernardinos
Bllokimi i aksit hekurudhor veri-jug në Gjermani ka bërë që një pjesë e madhe e mallrave nga Gjermania që përmes Zvicrës kalojnë drejt Evropës së Jugut, të transportohen me kamionë. Kështu, ndërmarrjet hekurudhore po humbasin për çdo ditë numër të madh porosish për transport mallrash në këtë relacion, shkruan srf.ch.
Nga na tjetër, siç bën të ditur Zyra Federale e Zvicrës për Komunikacion Rrugor, Astra, gjatë kësaj kohe po përfiton transporti përmes kamionëve, transmeton albinfo.ch. Sipas zyrës në fjalë, gjatë muajit gusht ka pasur një rritje prej 6 për qind të numrit të kamionëve që kanë kaluar përmes tunelit Gotthard dhe 7 për qind përmes San Bernardinos.
Kjo, e përkthyer në shifra, tregon se vetëm gjatë gushtit, 4500 kamionë më tepër se në kushtet normale kanë kaluar në rrugët e Zvicrës në linjat e përmendura.
Megjithatë, ende nuk mund të dihen përmasat e sakta të rritjes së qarkullimit të kamionëve nëpër rrugët zvicerane. Po kështu nuk dihet saktësisht numri i porosive që ndërmarrjet hekurudhore kanë humbur gjatë periudhës sa po zgjat bllokimi, përcjell albinfo.ch. Më 4 tetor pritet që të hiqen pengesat në Gjermani dhe që trenat të qarkullojnë sërish në aksin veri-jug.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?