Integrimi

A ka të drejtë Valentina Morina t`i shpërndajë fotografitë me uniformë ushtarake?

Morina këtë “selfie” e ka publikuar në rrjetin social instagram duke ngjallur kështu bashkë me shumë ushtarë/e tjerë/a debatin në media nëse kanë të drejtë të shpërndajnë fotografi ku duken me uniformë ushtarake

Shpërndarja e fotografive të ushtareve simpatike dhe tërheqëse nga ambientet tipike ushtarake pra po bëhet një dukuri e zakonshme në kohën e instagramit e facebook-ut.

Valentina 24 vjeçare nga Lozana e kontaktuar nga portali thotë: “Në kursin ushtarak (shkolle a rekrutëve) kam qenë e vetmja femër në mesin e 400 meshkujve, transmeton albinfo.ch. Kjo ishte një përvojë e mirë, e cila mjerisht përfundoi”, ka thënë Valentina, e cila ka shërbyer si artiliere në një tank.

20minuten.ch ka pyetur rreth kësaj ndalese autoritetet përgjegjëse në ushtri dhe zëdhënësi (Daniel Reist)  është përgjigjur se shpërndarja e fotografive të tilla vërtet është e ndaluar, përcjell albinfo.ch. Për një rast të tillë duhet marrë pëlqimin e komandantit përgjegjës. Por ndërkaq, ai ka pranuar se në epokën e telefonave të mençur dhe instagramot e facebook-ut është iluzore të ndiqen të gjithë ata që “shkelin ligjin” në këtë drejtim.

Hetime ose kallëzime penale ushtrohen vetëm kundër atyre të cilët në fotografitë e përmendura përhapin ide raciste ose seksizëm. Ndërsa fotot e përhapura në shumicën e madhe të rasteve janë të pasherr dhe nuk përbëjnë ndonjë problem, transmeton albinfo.ch. Për më tepër, ushtria zvicerane, ku femrat përbëjnë më pak se 1 për qind të shërbyesve ushtarakë, ka vetëm përfitime nga këto fotografi që e vendosin në dritë pozitive shërbimin ushtarak të femrave.

Madje, ushtria vitin e ardhshëm për këtë qëllim do të nisë një ofensivë mediale: një konto zyrtare do të publikojë fotografi dhe video nga përditshmëria e ushtrisë. Kjo bëhet për të bërë më joshës shërbimin ushtarak.

(Fotot: Instagram)