Lajme

Administrata, në disa qytete, me orar të zgjatur për diasporën

Ministria e Punëve të Brendshme e Maqedonisë ka njoftuar se duke filluar që sot deri në fund të muajit gusht degët e punëve administrative të Manastirit, Velesit, Kumanovës, Ohrit, Strumicës, Tetovës dhe Shtipit do të punojnë me dy ndërrime, nga ora 8:30 deri në 20:00.

Mërgimtarët deri në fund të gushtit mund t’u drejtohen sporteleve të Ministrisë së Brendshme në Tetovë, Gostivar, Kërçovë, Dibër, Strugë, Kumanovë, Manastir, etj. prej ora 08:30 deri 20:00 për t’i nxjerrë dokumentet personale!

Siç raportojnë mediat e Shkupit, këtë vit shërbimet civile në Tetovë tani më po realizohen në objektet e renovuara, përcjell albinfo.ch.

Njëkohësisht, për shkak të rritjes së vëllimit të punës, ndërsa me qëllim që të ndihmohen qytetarët gjatë parashtrimit të kërkesave për dhënien e patentave ndërkombëtare, të dhëna për verifikimin e sanksioneve shkelëse “ndalimi për drejtimin e automjeteve” në patentën e shoferit të parashtruesit do të mund të sigurohet edhe në njësitë rajonale të Sektorit për punë civile dhe te personat e autorizuar për kryerjen e kontrollit teknik, ku ka punonjës nga ministria, citojnë nga MPB-ja.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/administrata-ne-disa-qytete-me-orar-te-zgjatur-per-diasporen/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.