Kosova
Aeroporti i Frankfurtit (nuk) kërkon punëtorë nga Kosova dhe Shqipëria
Pyetjes përse kërkohen punëtorë pikërisht nga Greqia e Bullgaria dhe jo për shembull nga Kosova, Shqipëria, menaxherja i përgjigjet: “ne po fillojmë me këto vende pasi që, natyrisht e shohim edhe përparësinë evropiane (brenda BE-së) për zgjedhjen e lirë të profesioneve..."
Ditë më parë mediat gjermane publikuan një njoftim sipas të cilit Aeroporti i Frankfurtit, si punëdhënësi më i madh në gjithë Gjermaninë, kërkonte një numër të madh punëtorësh. Edhe mediat në Prishtinë e kanë pëercjellë këtë njoftim, duke vënë në spikamë anën senzacionale, joshëse të tij. Që në titull theksohej se “gjermanët kërkojnë punëtorë, paga vjetore 30 mijë euro plus banesa e paguar” etj.
Por, se e vërteta nuk është kaq joshëse, para së gjithash jo për punëkërkuesit shqiptarë (të cilëve u drejtohej artikulli në fjalë) e tregon një intervistë që dje, më 21 prill e ka botuar deutsche welle, seksioni në gjuhën gjermane me menaxheren e lartë të projektit për rekrutimin e personelit nga jashtë, në kuadër të aeroportit, Kalliopi Megalomidou, shkruan albinfo.ch.
Së pari, është e vërtetë se aeroporti në fjalë tash për shkak se jemi në prag të pushimeve verore dhe për shkak të rritjes së tij, ka mungesë të theksuar punëtorësh dhe është në kërkim të tyre. Por, përshtypja e krijuar se po kërkohet numër i madh i punëtorëve jashtë vendit, nuk nuk përkon shumë me realitetin. Sepse, sipas menaxheres në fjalë, për shumicën dërmuese të vendeve të lira të punës, plotësimi do të shikohet të bëhet nga punëtorët vendës, nga regjioni. Ndërsa “ne konsiderojmë vetëm rreth 5 për qind të punëtorëve do të vijnë nga jashtë, Bëhet fjalë pra për disa qindra veta”, transmeton albinfo.ch. Dhe kur e përmend elementin e jashtëm, ajo ka parasysh në radhë të parë Bullgarinë dhe Greqinë, dy vende anëtare të BE-së.
“Ne, në Bullgari dhe në Greqi kemi pjesëmarrje në aeroportet e atjeshme – në Bullgari në 2 aeroporte ndërsa në Greqi, në 14 sosh – dhe me ta kemi përvoja të mira. Ndërsa tash po shikojmë se si mund të rekrutojmë edhe personelin nga ato vende, për punë në aeroportin e Frankfurtit”.
Pyetjes përse kërkohen punëtorë pikërisht nga Greqia e Bullgaria dhe jo për shembull nga Kosova, Shqipëria ose nga Serbia, Megalomidou i përgjigjet: “ne po fillojmë me këto vende pasi që, natyrisht e shohim edhe përparësinë evropiane (brenda BE-së) për zgjedhjen e lirë të profesioneve dhe këtë duam ta shfrytëzojmë. Por, në parim ne jemi të hapur edhe për vendet tjera.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?