Lajme

AGK bëhet pjesë e Federatës Evropiane të Gazetarëve

Kosova është renditur në mesin e 43 shteteve anëtare të kësaj në Federatën Evropiane të Gazetarëve

Asociacioni i Gazetarëve të Kosovës (AGK) edhe zyrtarisht është pranuar në Federatën Evropiane të Gazetarëve, duke u listuar kështu si anëtari i 69-të i kësaj organizate. Po ashtu, sipas një njoftimi të AGK-së, Kosova është renditur në mesin e 43 shteteve anëtare të kësaj Federate.

Kjo federatë përfaqëson mbi 320 mijë gazetarë nga 42 vende të Evropës.

AGK falënderon përfaqësuesit e Federatës Evropiane të Gazetarëve për besimin e dhënë teksa shpreh gatishmëri dhe përkushtim për bashkëpunim në mbrojtje të gazetarëve dhe të avancimit të fjalës së lirë.

“Vlerësojmë se ky është një tregues i mirë i solidaritetit dhe përkrahjes ndaj gazetarëve në nivel ndërkombëtar, avancimit të lirisë së medies në vend dhe përmirësimit të kushteve për ushtrimin e lirë të profesionit të gazetarisë në Kosovë. AGK mbetet e përkushtuar për mbrojtjen e të drejtave dhe lirive të gazetarëve si dhe krijimin e një ambienti të sigurt për punë profesionale”, thuhet në komunikatën e këtij Asociacioni.

Edhe kryetari i AGK-së Zekirja Shabani  e ka konsideruar të arritur të veçantë anëtarësimin e AGK-së në Federatën Ndërkombëtare të Gazetarëve.

“Urime për te gjithë koleget gazetarë. Asociacioni i Gazetarëve të Kosovës sapo është bërë pjesë e Federatës Evropiane të Gazetarëve. Thank you EFJ. AGK shumë shpejt do të rikthehet me të drejta të plota edhe në Federatën Ndërkombëtare të Gazetarëve”, ka thënë ai.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/agk-behet-pjese-e-federates-evropiane-te-gazetareve/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.