Lajme
Aksident në Itali: Në autobusin hungarez humbën jetën 16 nxënës
Autobusi ka pasur nxënës hungarezë të moshës mes 14 dhe 18 vjet, të cilët ishin duke u kthyer nga një pushim në Francë
Të paktën 16 nxënës humbën jetën dhe 26 u lënduan kur një autobus me nxënës me targa hungareze goditi një shtyllë në një autostradë në veri të Italisë, konfirmoi të shtunën mbrëma policia italiane, përcjell albinfo.ch.
Pasagjerët e lënduar u dërguan në spital në Verona. 39 persona i mbijetuan aksidentit, edhe pse disa prej tyre mbeten të plagosur rëndë.
“Një pasagjer është në gjendje kome dhe në gjendje kritike”, tha ministri i Jashtëm hungarez, Peter Sijarto, në një konferencë për shtyp në Budapest.
Ai theksoi se shoferi i autobusit humbi kontrollin e timonit dhe autoritetet hetuese nuk kishin gjetur asnjë gjurmë të ndalur.
Sijarto tha se ka informacione se në autobus ishin 54 pasagjerë, duke përfshirë dy të rritur dhe dy shoferët e huaj, por besohet se ka pasur më shumë pasagjerë.
Autobusi ka pasur nxënës hungarezë të moshës mes 14 dhe 18 vjet, duke u kthyer nga një pushim në Francë.
Shefi i policisë italiane, Girolamo Lakvaniti, theksoi se në incident nuk është përfshirë asnjë automjet tjetër dhe ende nuk dihet pse autobusi u përplas në shtyllë.
Një shofer kamioni slloven, i cili po ngiste prapa autobusit, i tha medias italiane se ai vuri re një problem me një nga gomat e autobusit dhe u përpoq për të paralajmëruar shoferin, por ai nuk ka reaguar shpejt.
Të tjera nga Lajme
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Bislimi e Jashari nuk pritet të përzgjidhen nga Zvicra për Evropian Bëhet e ditur se mesfushorët Uran Bislimi e Ardon Jashari janë në grupin e lojtarëve që...
-
Ku janë restorantet ‘më të mira’ në Zvicër?
-
Zvicra duhet të forcojë kontrollin e sektorit të saj financiar, paralajmëron FMN
-
Trafiku i dendur edhe sot, bllokohen autostradat zvicerane
-
‘Vallja kosovare’ jehon në Universitetin e Gjenevës (Video)