AUTOTECH

Apple mbetet “mbret” i tabletëve

Tabletët nuk po shiten si dikur. Në tremujorin e fundit të vitit 2017 janë shitur 7.9 për qind më pak tabletë në krahasim me periudhën e njëjtë të vitit të shkuar.

Apple, Amazon dhe Huawei megjithatë shijuan rritje të shitjes në tremujorin e fundit, por edhe në gjithë vitin.

Apple pati më së shumti shitje të tabletëve në tremujorin e katërt të vitit dhe 0.6 për qind më shumë se vitin e shkuar, derisa Amazoni pati rritje prej 50.3 për qind gjatë këtij tremujori falë zbritjeve të mëdha. Samsungu ra në pozitën e tretë me 13 për qind rënie të shitjeve në këtë tremujor, por ruan pozitën e dytë të tregut total në vitin 2017. Huawei pati rritje prej 28 për qind në vitin 2017, transmeton Albinfo.ch.

Në fund, Apple mbylli vitin me 26.8 për qind të tregut total, Samsungu ishte i dyti me 15.2 dhe Amazoni i treti me 10.2.