Kultura
Arben Zharku, në jurinë e Festivalit të Filmit në Munih
Për pjesëmarrje kanë konkurruar 81 shkolla filmi nga 41 vende të botës. ndërsa numri i filmave që kanë konkurruar është mbi 280 sish
Në Munih, nga 13 deri më 19 nëntor mbahet Festivali i 31-të me radhë i filmave të regjisorëve të rinj, respektivisht studentëve të regjisë. Festivalin e organizon Shkolla Ndërkombëtare e Filmit në Munih e cila synon që të sjellë në këtë qytet filmat më të mirë të studentëve, të prodhuar gjatë një viti, shkruan kino-zeit.de
Sipas udhëheqëses së festivalit, Diana Iljine, kanë konkurruar për pjesëmarrje 81 shkolla filmi nga 41 vende të botës. ndërsa numri i filmave që kanë konkurruar është mbi 280 sish. Ajo shton se jo vetëm sasia, ehde cilësia e filmave që kanë ardhur është e jashtëzakonshme.
Për këtë arsye, juria e festivalit do të ketë një punë të rëndë për të bërë përzgjedhjen e filmave për pjesëmarrje. Para kësaj sfide gjendet edhe producenti, aktori dhe drejtori i festivali “Skena Up” nga Prishtina, Arben Zharku, i cili është njëri nga tre anëtarët e jurisë.
Krahas tij në jurinë e cila do të zgjedhë vetëm një nga gjashtë filmat, janë edhe kuratorja e iFestivalit, Myriam Alexowitz nga Këlni dhe redaktorja e televizionit Arte Katja Ferwanger nga Munihu.
Me çmimet që arrijnë mbi 40.000 euro, ky festival bën pjesë ndër festivalet më të avancuar të filmave të studentëve.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe