Bota
Arrestohet Sarkozy
Autoritetet franceze kanë hapur një hetim më 2013 mbi dyshimet se fushata e Sarkozy më 2007 është financuar nga fondet e Gaddafit
Nicolas Sarkozy, ish-presidenti i Francës është paraburgosur më 20 mars, si pjesë e një hetimi lidhur me financim të paligjshëm gjatë fushatës së tij më 2007 nga regjimi i diktatorit libian Muammar Gaddafi, raportojnë mediat ndërkombëtare.
Sarkozy është marrë në pyetje nga policia në stacionin në Nanterre, në perëndim të Parisit. Mediat kanë cituar burime brenda sistemit gjyqësor, të cilët kanë folur në kushte anonimiteti, pasi nuk janë të autorizuar për të folur për këtë çështje publikisht, përcjell albinfo.ch.
Autoritetet franceze kanë hapur një hetim më 2013 mbi dyshimet se fushata e Sarkozy më 2007 është financuar nga fondet e Gaddafit.
Është hera e parë që ai merret në pyetje për këtë hetim. Disa javë më parë ish-bashkëpunëtori i tij, Alexandre Djouhri, ishte arrestuar dhe më pas ishte liruar me kusht.
Brice Hortefeux, ish-ministër dhe aleat i ngusht i Sarkozy, po ashtu është marrë në pyetje sot lidhur me këtë rast.
Avokati i Sarkozy nuk ka komentuar lidhur me marrjen në pyetje të klientit të tij.
Sarkozy, i cili ka qenë president nga 2007 deri më 2012, ka mohuar se ka pranuar fonde nga Libia dhe i ka quajtur këto akuza si “groteske”.
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut