Kultura
Artisti nga Kosova sharton “Pemën e pajtimit” mes Gjermanisë dhe Greqisë
Sokol Beqiri është kujtuar që të bëjë një lidhje speciale në mes të dy ambienteve të ekspozitës: atij në Kasel me atë në Athinë. Për të bërë këtë, ai ka pasur një ide origjinale...
Njëra ndër ngjarjet më të rëndësishme në fushën e arteve pamore në botë është ekspozita “Documenta”, e themeluar në vitet `50 të shekullit të kaluar, në Kasel, Gjermani.
Për herë të parë, edicioni i sivjetmë është menduar të mbahet, përveç si zakonisht, në Kasel, edhe në Athinë, Greqi. Kështu, “Dokumenta” në prill të këtij viti ka hapur portat në Athinë. Por ky edicion nuk u ka shpëtuar kritikave, sidomos nga ana greke, transmeton albinfo.ch portalin gjerman deutschlandfunk.de.
Por, ka edhe nga gjermanët që ekspozitën “e shtegtuar” e quajnë “turizëm krize”.
Për publikun shqiptar ndërkaq ka rëndësi pjesëmarrja në këtë ekspozitë të artit botëror, e artistit nga Kosova, Sokol Beqiri. Dhe, kjo nuk është pjesëmarrje dosido.
Beqiri është kujtuar që të bëjë një lidhje speciale në mes të dy ambienteve të ekspozitës: atij në Kasel me atë në Athinë, transmeton albinfo.ch. Dhe, për të bërë këtë, ai ka pasur një ide origjinale: ka marrë një fidan lisi nga njëri prej 7000 lisave në parkun e mbjellë nga themeluesi i ekspozitës (Joseph Beuys) në Kasel dhe atë e ka bartur në Athinë, ku e ka shartuar në një lis para Universitetit Teknik në Athinë. Në këtë mënyrë, artisti shqiptar ka vendosur një lloj “ure artistike” në mes të dx qyteteve dhe dy ambienteve.
Se sa ia ka dalë që përmes kësaj vepre arti të llojit të veçantë t`i “pajtojë” Kaselin dhe Athinën, gjegjësisht Gjermaninë dhe Greqinë, është paksa problem të thuhet, vëren albinfo.ch. Por ajo që është e sigurt është se “Adonis”-i, siç quhet vepra e tij, simbolizon dëshirën e artistit shqiptar për lidhje, kryqëzim mes kulturave.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Veçanërisht të moshuarit kanë votuar për pensionin e 13-të Po ashtu kishte një Po të qartë mes njerëzve pa një preferencë të qartë partiake dhe...
-
Zvicër: Kostot e sistemit shëndetësor kanë arritur 91.5 miliardë franga
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat