Bota
Austriakët i thonë jo ekstremistit Hofer, zgjedhin për president Van Der Bellen
Sipas rezultateve paraprake Van der Bellen ka fituar me 53,6 përqind, ndërsa Hofer 46,4 përqind pr rezultatet përfundimtare priten të hënën
Më në fund austriakët kanë zgjedhur presidentin e tyre. Ish kryetari i të gjelbërve, Aleksander Van Der Bellen ka fituar sërish pas një balotazhi të përsëritur këtë të diele kundër kandidatit Norbert Hofer, i cili përfaqësonte platformën e partisë ultranacionaliste. Sipas rezultateve paraprake të realizuar nga “Sora” dhe “ORF” Van der Bellen ka fituar me 53,6 përqind, ndërsa Hofer 46,4 përqind, shkruan krone.at, përcjell “albinfo.ch”.
Megjithatë, pritet që rezultatet definitive të shpallen ditën e hënë.
Edhe në zgjedhjet e zhvilluara muaj më parë, fitues u shpall pro-evropiani Van der Bellen, por rezultati u anulua nga Gjykata Supreme Austriake, pasi u identifikuan parregullsi në sistemin e numërimit dhe u vendos përsëritja e zgjedhjeve.
albinfo.ch, duke pasqyruar zhvillimet rreth zgjedhjeve në Austri , ku jeton një komunitet i konsiderueshëm shqiptar, ka marrë herë pas here edhe qëndrimet e aktivistëve politikë shqiptarë të Austrisë. Në mes tyre dallohen Lulzim Fejzullahi, deputet në një komunë austriake dhe Joniz Saliuka, aktivist dhe ish kandidat për deputet në Landin e Vjenës. Ata kanë shprehur dëshirën e komunitetit shqiptar por dhe bindjen e tyre për fitoren e kandidatit të gjelbër.
Pas kumtimit të fitores së pritur, Lulzim Fejzullahi është shprehur: “Në Austri Van der Bellen nga Partia e Gjelbër fitoi zgjedhjet mbi 53%, kështu që uroj presidentin pro evropian dhe popullin shqiptar dhe austriak për zgjedhjen e qëlluar të presidentit” Lulzim Fejzullahi, SPO, (Partia Socialdemokrate e Austrisë)
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën