Fun

Austriaku, i vetmi pasagjer në avion

Një udhëtar nga Ischgl (Tirol) i Austrisë e ka përjetuar udhëtimin më të mirë me avion në jetën e tij. Alex Simon ka pasur nderin të jetë i vetmi pasagjer në një aeroplan të vogël, teksa ka fluturuar nga Manila për në Boracay me linjën ajrore Philippine Airlines. Më të ishin vetëm dy stjuardesa dhe dy pilotë.

28-vjeçari filmoi gjithë momentin në bord, si dhe pati mundësinë të komunikonte me pilotët në kabinë para se avioni të nisej.

“Daily Mail” raporton për udhëtimin e pazakonshëm të Alex Simonit.  “Kur unë shkova në aeroport, dëgjoja duke m’u thirrur emri im: “Zotri Simon, ju lutem paraqituni në shalter të informacionit”. Aty më njoftuan se nuk më duhet të pres dy orë, por për 30 minuta avioni do të niset. Kur i pyeta në shalter se a mund të ulëm afër dritares?, ata më thanë:  “Ju mund të uleni ku të doni, sepse jeni i vetmi pasagjer në avion”, citon gazeta austriake “Osterreich”.

“Ishte një ndjenjë e papërshkruar për të fluturuar në një nga vendet më të bukura në botë, madje i vetëm. Jam ndier si një ylli botëror”, e përshkruan ai udhëtimin më të mirë të jetës së tij, njofton albinfo.ch.

Udhëtimi i Alex Simon kishte ndodhur në shkurt të vitit të kaluar, por sapo video është postuar në internet, i ka pushtuar mediet botërore.