Kosova
Bashkatdhetaria nga Zvicra ndihmoi me 2 mijë franga fëmijët e Gjilanit
Jetmira Avdili që jeton në Zvicër, i dorëzon Gjilanit donacionin prej 2 mijë frangash për ndihmë fëmijëve me aftësi të kufizuara
Ndihma e bashkatdhetarëve kosovarë që punojnë në kurbet, po ndihet gjithandej Kosovës. Edhe sot, bashkatdhetaria nga Zvicra, Jetmira Avdili, i ka dorëzuar Komunës së Gjilanit, përkatësisht qendrës së kujdesit ditor “Pema”, donacionin prej 2 mijë franga zvicerane për fëmijët me aftësi të kufizuara, në kuadër të iniciativës “Vetëm 10 franga për një botë më të mirë”.
“E falënderojmë Jetmirën dhe të gjithë bashkatdhetarët nga Zvicra për këtë donacion të rëndësishëm për fëmijët me aftësi të kufizuara. Iniciativën e saj e ka mbështetur maksimalisht kryetari Lutfi Haziri dhe shpresoj shumë që do të vazhdohet me këtë aksion, i cili duhet të jetë shembull për të gjithë”, ka thënë me këtë rast drejtori i Shëndetësisë dhe Mirëqenies Sociale në Gjilan, Nexhat Hajrullahu.
Ndërsa, Jetmira Avdili është shprehur e lumtur që sado pak me këto të holla do t’ua bëjë më të lehtë jetën këtyre fëmijëve.
“Unë i falënderoj të gjithë që më kanë ndihmuar dhe më kanë përkrahur, sidomos kryetarit Lutfi Haziri. Këtë aksion e kam filluar në vitin e kaluar dhe jam shumë e kënaqur që shqiptarët në Zvicër i janë bashkangjitur dhe i falënderoj të gjithë që më kanë besuar. Aksionin do ta vazhdoj edhe në të ardhmen dhe i ftoj të gjithë ata që kanë mundësi t’i ndihmojnë fëmijët me aftësi të kufizuara në Gjilan dhe qendrën “Pema”, tha Avdili.
Mirënjohje dhe falënderime për këtë doancion ka shprehur edhe drejtoresha e qendrës “Pema” në Gjilan, Festa Demiri e cila tha se Jetmira ka mbajtur premtimin që ua ka dhënë muaj më parë, duke i dalë në ndihmë fëmijëve me aftësi të kufizuara.
Ndryshe, kryetari i Komunës së Gjilanit, Lutfi Haziri, e ka përkrahur këtë aksion, përderisa ka paralajmëruar se gjatë muajve në vijim do ta organizoj mbrëmjen e dytë humanitare për mbështetje fëmijëve të Gjilanit.
E-Diaspora
-
Shqipja flitet më shumë në Cyrih, Winterthur, Bazel dhe St. Gallen Gjuha shqipe është njëra ndër gjuhët më të popullatizuara në Zvicër. Shqipja flitet veçanërisht gjerësisht në...
-
Nagavci: Mësimi i gjuhës shqipe në diasporë ka vlerë jashtëzakonisht të madhe
-
Gërvalla takon mërgatën në Stuttgart, i fton të marrin pjesë në regjistrimin e popullsisë
-
Gjuha shqipe, gjuha e huaj më e folur në Zvicër – pas anglishtes
-
Bashkimi i shkollës shqipe në Zvicër, një lajm i mirë për të gjithë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë