Lifestyle
Bëhen të ditura nominimet për “Golden Globes”
Filmi "The Post", i ka fituar gjithsej gjashtë nominime sivjet, përfshirë kategoritë "Regjisori më i mirë" për Steven Spielberg-un, dhe "Aktori përkatësisht Aktorja më e mirë", nominime këto që u takojnë yjeve të filmit, Tom Hanks dhe Meryl Streep
Fantazia romantike e regjisorit meksikan, Guillermo del Toro, “The Shape of Water”, po i udhëheq nominimet e sivjetme të shpërblimeve “Globi i Artë”, me shtatë kategori të nominuara, përfshirë këtu kategoritë, “Drama më e mirë”, “Regjisori më i mirë” dhe “Aktorja më e mirë” nominim ky i fituar për aktoren protagoniste Sally Hawkins.
Filmi për lirinë e mediave të shkruara, “The Post”, i ka fituar gjithsej gjashtë nominime sivjet, përfshirë kategoritë “Regjisori më i mirë” për Steven Spielberg-un, dhe “Aktori përkatësisht Aktorja më e mirë”, nominime këto që u takojnë yjeve të filmit, Tom Hanks dhe Meryl Streep.
Filmi komik për tinejxherë, “Lady Bird”, i mori gjithsej katër nominime, përfshirë kategorinë “Mjuziklli dhe komedia më e mirë” si dhe nominimi i protagonistes së filmit, Saoirse Ronan, në kategorinë “Aktorja më e mirë”.
Tregimi i kohës së Luftës së Dytë Botërore, “Dunkirk”, drama “Three Billboards Outside Ebbing, Missouri” dhe romanca mes homoseksualëve “Call Me By Your Name”, po ashtu janë të nominuar në kategorinë “Filmi më i mirë Dramë”.
Ndërsa në kategorinë “Mjuziklli dhe komedia më e mirë”, poashtu të nominuar janë filmat, “The Disaster Artist” nga James Franco, filmi racist horror “Get Out”, biografia “I, Tonya” dhe filmi i fundit i aktorit Hough Jackman, “The Greatest Showman.”
Në kategorinë “Filmi më i mirë i animuar”, të nominuara janë projektet: “Boss Baby”, “The Breadwinner”, “Coco”, “Ferdinand” dhe “Loving Vincent”.
Vlen të theksohet se nga ëto nominime kuptohet se gratë janë përjashtuar nga gara për çmimin e regjisores më të mirë. Fituesit e shpërblimeve “Globi i Artë” për vitin 2018, do të bëhen të ditur më 7 janar të vitit të ardhshëm, përmes ceremonisë glamuroze që transmetohet live si dhe mbahet në Beverly Hills të Kalifornisë.
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Ku janë restorantet ‘më të mira’ në Zvicër? Zvicra është shtëpia e disa restoranteve më të mira, shumë prej të cilave kanë fituar yjet...
-
Zvicra duhet të forcojë kontrollin e sektorit të saj financiar, paralajmëron FMN
-
Trafiku i dendur edhe sot, bllokohen autostradat zvicerane
-
‘Vallja kosovare’ jehon në Universitetin e Gjenevës (Video)
-
Në aeroportin e Bazelit anulohet fluturimi për në Prishtinë, mërgimtarët ankohen