Uncategorized
Behrami nuk largohet nga Kombëtarja e Zvicrës
Mesfushori 33-vjeçar nuk mendon të pensionohet nga Kombëtarja zvicerane
Zvicra u eliminuar nga Botërori pas humbjes nga Suedia me rezultat minimal 1:0, shkruan albinfo.ch.
Kjo humbje dhe eliminim ka lënë të dëshpëruar kapitenin në këtë ndeshje për Zvicrën, Valon Behramin, megjithatë, ai nuk dorëzohet.
“Si sportist jam shumë i zhgënjyer nga eliminimi, por vazhdoj të jem krenar. Dal nga ky Botëror me kokën lart. Suedezët na kanë treguar se kemi limitet tona. Por këtë unë e interpretoj si një objektiv të ri për t’u arritur”, është shprehur Behrami pas ndeshjes për ‘Blick’.
Mesfushori shqiptar është 33-vjeçar dhe për të ishte Botërori i katërt në karrierën e tij, rekord për një futbollist të Zvicrës. “Unë dua të vazhdoj. Unë kam ende motivim të madh në mendjen time, shpresoj që kështu të jetë edhe fizikisht”, theksoi futbollisti i Udineses, i cili gjithashtu ka luajtur në dy Kampionate Evropiane.
“Në ditët e fundit u ndjeva mirë këtu në ekip. Ndjej se mund t’i jap përsëri kësaj skuadre”, deklaroi futbollisti shqiptar.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit