Bota

Bën foto me fëmijët në gjumë dhe kërkon 300.000 euro të holla shantazhi

Fëmijët kanë qenë duke fjetur të qetë në shtretërit e tyre, ndjeheshin të sigurt. Por, në foto shihet se dikush ua ka drejtuar një armë fëmijëve.

Një familje milioneri nga Hamburgu është shantazhuar me fotot shokuese të djemve të tyre (7 dhe 9-vjeçarë). Kërkesa: Nëna duhet të paguajë 300.000 euro brenda 48 orëve. Nëse nuk e bën këtë apo nëse alarmohet policia, fëmijët do të vriten. Një raport përkatës të “Hamburger Abendblatt” e ka konfirmuar të enjten edhe prokuroria gjermane.

Pronari i shtëpisë letrën e shantazhuesit e kishte gjetur më 11 janar, së bashku me një tufë lulesh nën mbulesën e dhomës së fëmijëve. Ai menjëherë e informoi nënën (39) e fëmijëve. Së bashku me babanë e ndarë të djemve, ajo e alarmoi policinë. Fëmijët u dërguan menjëherë në vend të sigurt.

Zyrtarët policorë i kontrolluan fotografitë nga ekspertët. Rezultati: ato nuk ishin manipuluar në kompjuter, por ishin fotografi të vërteta. Prandaj, kryerësi duhet të ketë vënë në shënjestër në dhomën e fëmijëve me një armë mbi djemtë e fjetur, shkruan “Bild”, përcjell Albinfo.ch.

Policia në banesë nuk kishte gjetur mdonjë shenjë të dhunës. Meqë kryerësi ka mundur të ketë qasje në shtëpi, hetimi njësitit policor “Rose” është përqendruar në mjedisin e familjes. Në fokus është shoqëruesi shqiptar (43) i gruas dhe një prej të njohurve të tij (31). Shqiptari konsiderohej një mik i familjes.

Në fund të marsit policia bastisi disa shtëpi në Hamburg dhe Berlin. Por, me këtë rast nuk janë gjetur prova të forta.

Pavarësisht nëse bëhet fjalë për aktakuzën kundër personave në fjalë, situata mbetet ende e paqartë. Hetimet janë në vazhdim e sipër.