Bota
Bie numri i dëbimit të azilkërkuesve
Sa i përket kuotës së kthimit, pra raportit mes numrit të atyre që janë larguar vullnetarisht dhe dëbimeve me detyrim pas vendimit përkatës së gjykatës, Gjermania kryeson në radhën e vendeve të tjera evropiane
Në vitin 2017 nga Gjermania janë dëbuar gati gjashtë për qind më pak azilkërkues të refuzuar sesa në vitin 2016.
Numri i të dëbuarve nga Gjermania shënoi vitin e kaluar rënie. Në vitin 2017 u riatdhesuan në vendet e tyre të origjinës 23.966 refugjatë, njofton gazeta “Bild am Sonntag”. Kjo shifër është 5.6 për qind më pak se në vitin 2016, shkruan “Deutche Welle”.
Shumica e deportimeve janë kryer sipas njoftimit të kësaj gazete nga ajri. 98 për qind e refugjatëve janë dërguar në vendet e tyre të origjinës me avion charter, përcjell albinfo.ch.
Por meqenëse një avion i tillë kushton ndërmjet 130,000 dhe 330,000 euro, Policia Federale Gjermane ka shpenzuar për fluturimet 11 milionë euro. Ndër personat e dëbuar, 60 vetë qenë klasifikuar si të rrezikshëm.
Që nga dhjetori 2016 për në Afganistan janë dëbuar deri tani 174 vetë. Që nga mesi i vitit 2017 për afganët është ndaluar dëbimi në vendlindje për shkak të gjendjes së keqe të sigurisë. Ky rregull nuk vlen për afganët që konsiderohen si persona të rrezikshëm ose që janë dënuar për krime.
Sa i përket kuotës së kthimit, pra raportit mes numrit të atyre që janë larguar vullnetarisht dhe dëbimeve me detyrim pas vendimit përkatës së gjykatës, Gjermania kryeson në radhën e vendeve të tjera evropiane.
Në vitin 2016 BE-ja llogariti se kuota e kthimit në Gjermani ishte 106 përqind, kurse mesatarja në Evropë ishte 46 përqind. Edhe në muajt e parë të vitit 2017 numri i azilkërkuesve të refuzuar që u larguan vullnetarisht ishte më i madh se i atyre që u dëbuan me forcë.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?