Zhvillim
Biznesmenët e diasporës u premtojnë 10 mijë kosovarëve punësim në Gjermani
Nën organizimin e Unionit të Bizneseve të Diasporës në Gjermani, të shtunën në Këln të Gjermanisë u mbajt konferenca me anëtarë të këtij unioni dhe Unionit të Bizneseve shqiptare në Diasporë nga vendet e ndryshme të botës.
Të pranishëm në këtë takim ishin edhe ministri i Diasporës, Valon Murati, ministri i Zhvillimit Ekonomik, Blerand Stavileci, zv. ministrja e Zhvillimit Ekonomik, Tregtisë edhe Sipërmarrjes e Republikës së Shqipërisë, Brulinda Paskali, kryetari i Këlnit, Ralf Heinen, drejtori i përgjithshëm i RTK-së, Mentor Shala dhe personalitete të tjera nga bota e biznesit nga Kosova dhe diaspora.
Në këtë takim dy ministrat kosovarë kanë njoftuar bizneset gjermane për mundësitë që ofron Kosova për investimet e huaja.
Gjatë prezantimit të tij para të pranishmëve ministri i Diasporës, Valon Murati, ka potencuar se rrjetëzimi i diasporës, e posaçërisht rrjetëzimi i bizneseve shqiptare të diasporës, është një prej projekteve më të rëndësishme të realizuara nga Ministria e Diasporës.
Ministri Murati gjithashtu theksoi se Unioni Global i Bizneseve Shqiptare të Diasporës është një nga partnerët më të rëndësishëm të Qeverisë së vendit.
Në anën tjetër, ministri i Zhvillimit Ekonomik, Blerand Stavileci, foli për rëndësinë e këtij takimi si një rast i mirë për të dëgjuar njëri-tjetrin dhe për të parë idetë dhe propozimet nga bizneset tona në diasporë.Ai theksoi prioritetin e Qeverisë për të bashkëpunuar me sektorin privat dhe përmendi reformat strukturale që është duke i ndërmarrë Qeveria e Kosovës në favor të sektorit privat.
Ligji për investime strategjike dhe Fondi inovativ janë dy prej ndërmarrëseve kryesore të Qeverisë së Kosovës për të krijuar një klimë më të mirë të investimeve në Kosovë, theksoi ministri Stavileci.
Ndërkohë kryetari i qytetit të Këlnit, Ralf Heinen, ka thënë se pret nga ky union që të rritet edhe më shumë bashkëpunimi në mes të bizneseve kosovare me ato gjermane.
Ralf Heinen tha se ky union është duke u munduar të përmirësojë imazhin e Kosovës.
Ndërsa kryetari i Unionit, Ejup Berisha, ka thënë se qëllimi kryesor i këtij unioni do të jetë bashkëpunimi i bizneseve kosovare në Gjermani.
“Qëllimi ynë është që të punësojmë njerëz nga Kosova, 10 mijë njerëz t’i sjellim nga Kosova, pra secila firmë kosovare këtu të punësojë punëtorë sezonalë nga Kosova”, ka thënë Berisha.
Personat e punësuar, sipas tij, do të kalojnë përmes një konkursi.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjenevë: Vjedhjet e biçikletave – zgjidhen rrallë Vjedhjet e biçikletave në Gjenevë janë në rritje dhe shumë rrallë zgjidhen. Me më shumë biçikleta...
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të