E-Diaspora
„Bonevet“, kamp veror që u dedikohet edhe fëmijëve të diasporës
Kampi veror „Bonevet“ fillon nga 11 korriku
Ky kamp veror do të zhvillohet gjatë muajve korrik dhe gusht për të gjithë fëmijët nga Kosova dhe diaspora, të cilët përkrah mësimeve mbi teknologjinë, elektronikën dhe mekanikën, do të kenë rastin të jenë pjesë e aktiviteteve verore argëtuese.
Për ata që iu pëlqen loja, sfidat interesante teknologjike, arti apo krijimi, kampi veror në BONEVET do të jetë vendi i duhur për të kaluar këtë verë. Kampistët nga mosha 8 deri 18-vjeçare do të mësojnë të bëjnë video-lojëra, programim, të punojnë me littleBits dhe Arduino, të ndërtojnë robotë e të krijojnë punime mahnitëse.
Duke krijuar shoqëri të re, e duke mësuar me teknologjinë më moderne, gjatë kampit veror pjesëmarrësit do të rrisin aftësitë krijuese, organizative dhe do të bëjnë punime, me anë të të cilave mund të bëjnë ndryshime pozitive në shoqëri.
Klasët të parapara gjatë kampit veror do të jenë: littleBits, Scratch, Robotics dhe Arduino. Përveç aktiviteteve të shumëta në kampin veror BONEVET, pjesëmarrësit do të kenë mundësinë që të mësojnë dhe të praktikojnë për:
• 3D Print & 3D Modelim / Si funksionon 3D printeri & krijimi i një produkti
• LaserCut / Si bëhet prerja e materialeve të ndryshme me laser & krijimi i një produkti
• Minecraft / Lojëra edukative – kreative
• Origami / Lojëra kreative me letra
• Krijimi i filmave të animuar
• Programim / Krijim i video-lojërave
• Punë praktike / Take Apart, Hands on Working & Soldering
• Shfaqja e filmave edukativë
Për t’u bashkuar edhe ti në ngjarjen më të veçantë për fëmijë në Kosovë, apliko në: www.bonevet.org/kampiveror
Info rreth ngjarjes
- Data e fillimit24 Qershor 2016
- Ora12:00
- Data e përfundimit24 Qershor 2016 - 12:00
Të tjera nga E-Diaspora
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit