Lajme

Brenda vitit, në Kosovë u kurorëzuan 16 mijë çifte, ndërsa në diasporë 1300

Sipas grupmoshave, dominojnë femrat e moshës 20 deri 24 vjeç me 32.6 për qind, ndërsa tek meshkujt dominon mosha 25 deri 29 vjeçare me 30.4 për qind

Gjatë vitit të kaluar në Kosovë janë kurorëzuar 16 051 çifte-bashkëshortore, ndërsa në diasporë janë kurorëzuar 1 359 sish. Këto të dhëna janë publikuar të premten nga Agjencia e Statistikave të Kosovës në raportin vjetor lidhur me “Statistikat e Kurorëzimeve në Kosovë”. Sipas grupmoshave, dominojnë femrat e moshës 20 deri 24 vjeç me 32.6 për qind, ndërsa tek meshkujt dominon mosha 25 deri 29 vjeçare me 30.4 për qind.

Sipas këtij raporti përkatësisë etnike të femrave dhe meshkujve të kurorëzuara i prijnë shqiptarët me 95 për qind.

Vendin e parë për kurorëzime e zë Prizreni me 1 486 kurorëzime, pastaj vjen Prishtina me 1 372 kurorëzime, kurse, në të tretin është Ferizaj me 995 kurorëzime. Mosha mesatare e të martuarve ishte 29.8 vjeçare. Prej tyre mosha mesatare e meshkujve ishte 31.6 vjeç, ndërsa mosha mesatare e femrave 28.1 vjeçare.

Sipas përgatitjes shkollore, dominojnë femrat dhe meshkujt me shkollë të mesme. Numri  i femrave të kësaj kategorie është 10 037, ose 62.5 për qind dhe e meshkujve 11 476, ose 71.5 për qind.

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/brenda-vitit-ne-kosove-u-kurorezuan-16-mije-cifte-ndersa-ne-diaspore-1300/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.