Shkurt.ch
Burgu i Gjenevës akuzohet për shkelje të të drejtave të njeriut
Burgu problematik Champ-Dollon i Gjenevës, pas shumë kritikave që ka marrë viteve të fundit nga qarqe të ndryshme, ka marrë edhe një “notë të dobët” nga instanca më e lartë gjyqësore e Zvicrës. Gjykata Federale e Zvicrës me seli në Lozanë ka nxjerrë një vendim sipas të cilit burgu në fjalë është duke shkelur Konventën Evropiane për të drejtat e njeriut.
Gjyqtarët në Lozanë duke marrë këtë vendim kanë miratuar ankesat e dy të burgosurve që janë mbajtur në këtë burg. Ata qenë ankuar se në qelitë ku janë mbajtur kanë pasur më pak se 4 metra katrorë hapësirë në dispozicion. Kjo nënkupton se në Champ Dollon nuk janë respektuar as standardet minimale të burgjeve.
Gjykimin e parë lidhur me mungesën hapësirës në këtë burg, Gjykata Federale e kishte marrë në shkurt të vitit 2014. Edhe atëherë gjyqtarët patën vendosur që një qeli e të burgosurit nuk guxon të jetë më e vogël se 4 metra katrorë, shkruan nzz.ch
Njëri nga ushtruesit e ankesës, ka qenë i dënuar me pesë vjet burg. Gjatë periudhës nga 7 dhjetori 2013 deri më 19 nëntor 2014 ai në vazhdimësi ka pasur në dispozicion më pak se 4 metra katrorë vend. Ankesa e tij e bërë në gjykatën kantonale qe hedhur poshtë me arsyetimin se ai nuk është paraqitur për të punuar. Nëse do të paraqitej (regjistrohej) atij do t`i binte më pak të qëndronte në qelinë e tij të ngushtë.
Të ngjashme
Të tjera nga Shkurt.ch
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjeneva, më e pasur Qyteti i Gjenevës ka zbuluar se llogaritë e tij do të tregojnë një tepricë prej 200...
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë