Sport
Çfarë po ndodh me Shaqirin?
Ylli shqiptar, Xherdan Shaqiri ka luajtur vetëm në një në katër ndeshjet e fundit dhe kjo ka tregon se futbollisti nga Zvicra nuk po kalon momente të mira në skuadrën angleze
Xherdan Shaqiri nuk po kalon momentet më të mira në karrierë. Në katër ndeshjet e fundit, tri herë ka qenë në bankën rezervë. E përditshmja zvicerane ‘Blick’, është e shqetësuar për formën e tij dhe pyet çfarë po ndodh, përcjell albinfo.ch.
Seria e zezë filloi më 14 dhjetor, ku Stoke luajti pa gola ndaj Southampton, derisa Shaqiri e nisi nga banka rezervë. Ai ishte shumë i inatosur për këtë dhe kështu shprehet edhe gazetari lokal, Pete Smith. Kjo vetëm sa e përkeqësoi situatën.
Që nga atëherë, ai tri herë ka qenë në bankën rezervë dhe vetëm një herë luajti në katër sfidat e fundit. Përballja ndaj Watfordit ku ai nuk u aktivizua tregoi për krizën që po përjeton futbollisti shqiptar. A e ka edukuar mirë trajneri Mark Hughes? Ose ai dëshiron ta shesë?
Shaqiri kishte shkëlqyer në pjesën e parë të edicionit, derisa trajneri e ndryshoi edhe sistemin e lojës për të.
Gazetari i cili e përcjell Stoken në çdo ndeshje ka thënë se tani Stoke luan 3-4-2-1 ose 3-4-1-2, pa krahë dhe ka shumë futbollistë për një ose dy vende.
Ai ka shtuar se nuk parashikon që skuadra angleze do ta shesë yllin e Përfaqësueses së Zvicrës.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe