NATO forcon KFOR-in me 700 ushtarë

Aleanca më e fushime ushtarake dhe politike në botë (NATO) parashikon që të forcojë efektivin e saj në Kosovë (KFOR) edhe me 700 trupa shtesë. Këta trupa, kryesisht të njësive speciale, do të dislokohen në pjesën veriore të Kosovës, ku situata e sigurisë është e delikate.

Gazeta “Panorama” duke u thirrur në një shkrim të gazetës së përditshme “Spiegel” thotë se NATO ka kërkuar sërish përdorimin e një force gjermano-austriake për ndërhyrje në Kosovë në vjeshtën e vitit 2012. “Do të jenë 700 forca të njësisë ushtarake gjermane dhe austriake që nga fillimi i tetorit do të zëvendësojnë një forcë paqeruajtëse italiane”m thuhet në njoftim.

Kjo, siç thuhet në njoftim, është e tretë brenda këtij viti që ushtarët gjermanë të batalionit të të ashtuquajturit Operacioni Rezervë (ORF) do të duhet të lëvizin jashtë në drejtim të Kosovës.

“Pavarësisht kësaj Berlini zyrtar u pajtua me kërkesën e NATO-s, me qëllimi vazhdimin e operacioneve të suksesshme, stabilizimin e mëtejshëm dhe përmirësimin e gjendjes së sigurisë në veri të Kosovës”, citohet “Spiegel”.

Në Kosovë aktualisht janë të vendosura rreth 5800 ushtarë të KFOR-it, të shpërndarë në disa zona. Kjo trupë ndërkombëtare është vendosur në Kosovë pas tërheqjes së detyrueshme të forcave ushtarake-policore e paraushtarake serbe nga Kosova në qershor 1999.

Fillimisht KFOR-i ishte i pranishëm me një efektiv prej më shumë se 60 mijë trupave, ndërsa në kontinuitet, me përmirësimin e situatës së sigurisë, kjo trupë ka shkuar duke u tkurrur. Në vitin 2010 KFOR-i u reduktua në 10 mijë trupa, ndërsa në kuadër të një ristrukturimi, paqeruajtësit u reduktuan në 5800 trupa aktiv.

Në vjeshtën e këtij viti, ndërkaq planifikohet të nisin bisedimet politike Prishtinë-Beograd, ku njëra nga pikat mund të jetë çështja e veriut, prandaj situata në këtë rajon e banuar me serbë, mund të keqësohet. Si dhe preventive NATO ka vendosë që rrisë për 700 trupa efektivin e saj në Kosovë.