Daçiq: Azilkërkuesit janë shqiptarë dhe romë

Pas kërcënimit të parlamentarëve evropiane se Serbia mund të humbasë vizat, nëse vazhdon fluksi i azilkërkuesve në vendet e Bashkimit Evropian, ka reaguar kryeministri i Serbisë, Ivica Daçiq, duke deklaruar se numri më i madh i azilkërkuesve nga Serbia janë të komuniteteve pakicë, rom dhe shqiptarë.

Kryeministri serb tha se Beogradi zyrtar është i gatshëm t’u paguajë harxhimet të gjithë azilkërkuesve nga Serbia (10 mijë sa janë gjithsej) se sa të pranoj rikthimin e regjimit të vizave.

"Bëhet fjalë për një numër më pak se 10 mijë në të gjitha vendet e Bashkimit Evropën. Ne do ti paguajmë harxhimet e tyre pasi kjo do të ishte një dëm më i vogël për Serbinë se sa të na kthejnë prapë vizat", ka thënë Daçiç, sipas të cilit, Serbia do të kërkoj nga BE listat e të gjithë personave që kanë kërkuar azil.

Kryeministri serb e konsideron të palejueshme dhe jodemokratike që t’i nxjerrin ashtë autobusëve romët dhe shqiptarët që shkojnë në BE. “Këtë nuk do të lejojë Bashkimi Evropian”, ka thënë Daçiç.