Donacioni i gjakut: Ndalesa për homoseksualët mund të bjerë

Ndalesa për homoseksualët për të dhënë gjakun e tyre mund të bjerë. Këshilli Federal është përgatitur për të rishqyrtuar kriteret për dhuruesit e gjakut pa marrë parasysh orientimin seksual.

Meshkujt që kanë seks me meshkuj të tjerë - të identifikuar nga akronim HSH - janë të përjashtuar që nga viti 1977 nga ana e Shërbimit të transfuzionit të gjakut të Kryqit të Kuq zviceran, i konfirmoi të enjten Këshill Federal.

Luc Recordon (Të Gjelbrit / VD), këshilltar i shtetit (VD), shtron pyetjen e vlefshmërisë të kësaj mase, që ai e konsideron diskriminuese. Për më tepër, kjo masë kufizon furnizimin e gjakut për transfuzione. Deri tani nevojat kanë arritur të mbulohen, thotë qeveritari. Por, duhet të kemi po ashtu rezerva me gjak të sigurt, shtoi ai.

Perspektiva të ndryshme

Në mars të vitit 2012 Drejtoria Evropiane për cilësinë e ilaçeve dhe kujdesit shëndetësor pati ardhur në përfundim se rreziku i transmetimit të virusit SIDA/AIDS ose të hepatitit B ishte i lidhur ngushtë me sjelljen seksuale të donatorëve dhe se ky rrezik rritet te homoseksualët. Megjithatë, sipas ekspertëve, problemi mund të trajtohet nga një perspektivë tjetër, theksojnë qeveritarët.

Zyra Federale e Shëndetit Publik ka treguar në disa raste se kriteret për përjashtim duhet të fokusohen në sjelljet e rrezikshme të donatorit, për të qartësuar dhe vlerësuar individualisht dhe nuk duhet të kufizohen në grupet në të cilat merr pjesë donatori. Këshilli Federal është i gatshëm të marrë në konsideratë mundësinë e riformulimit të kritereve ekzistuese.