Fëmijët shqiptarë mbrojnë të drejtat e tyre në OKB në Gjenevë

© albinfo.ch: Përfaqësues të fëmijëve: - Ilda, World Vision, - Elvis, Save the Children, - Danjela, SOS Children's Villages

Me mbështetjen e OJQ-ve partnere, Save the Children, World Vision, SOS Fshati i fëmijëve (SOS Village d’enfants), Qendra për Mbrojtjen e të drejtave të fëmijëve në Shqipëri dhe BKFT koalicioni, një delegacion i fëmijëve nga Shqipëria arriti të bëjë një udhëtim për në Gjenevë.

Javën e kaluar një grup i fëmijëve shqiptarë shprehu shqetësimet dhe pritjet e tyre për të drejtat e fëmijëve në Shqipëri para ekspertëve të Komitetit për të Drejtat e Fëmijëve në Kombet e Bashkuara.

Komiteti i lartpërmendur ka për detyrë monitorimin dhe zbatimin e detyrimeve sipas Konventës për të Drejtat e Fëmijëve. Ai, pra, merr parasysh kontributet e fëmijëve në kuadër të shqyrtimit të raportit të Shqipërisë, i cili do të mbahet në Gjenevë në vjeshtën e 2012-ës.

Javën e kaluar një delegacion i fëmijëve nga Shqipëria ka bërë udhëtim në Gjenevë, me mbështetjen e OJQ-ve partnere, Save the Children, World Vision, Fshati SOS për fëmijë, Qendra për Mbrojtjen e të Drejtave të Fëmijëve në Shqipëri dhe BKFT koalicioni. Qëllimi i këtij udhëtimi ishte që të shprehin shqetësimet e tyre dhe të kuptohen pritjet e ekspertëve të Komitetit për të Drejtat e Fëmijëve të Kombeve të Bashkuara për të drejtat e fëmijëve në Shqipëri.

Zonja Jennifer Philpot-Nissen, këshilltare e Lartë për të Drejtat e Njeriut për World Vision International, shpjegon për albinfo.ch se sa është i rëndësishëm "implikimi i fëmijëve në procesin e shqyrtimit dhe integrimi i pikëpamjeve të tyre në lidhje me dukuritë që u përkasin. Është thelbësore nëse ne synojmë seriozisht të analizojmë ndikimin e vërtetë të politikave dhe programeve qeveritare në jetën e tyre. "Ajo shton se kjo ka qenë e mundur vetëm falë bashkëpunimit të Qeverisë së Shqipërisë, të cilën e përshëndet.

Raporti alternativ i paraqitur pranë Komitetit për të Drejtat e Fëmijëve është përgatitur nga vetë fëmijët. Ai është rezultati i konsultimeve dhe punëtorive të më shumë se 14.000 fëmijëve. Këto konsultime gjithashtu mundësojnë lidhje dhe përcjelljen e praktikës së rekomandimeve të shpikura nga mekanizmat e tjerë të Kombeve të Bashkuara.

Duke dërguar këtë raport në Komitet, fëmijët presin që qeveritë e tyre të angazhohen konkretisht dhe që t’u përgjigjen shqetësimeve të tyre.

Foto galeri