Gordon:Serbia ta pranojë realitetin e Kosovës së pavarur

Sekretari amerikan për çështjet Evropiane dhe të Euro-Azisë, Filip Gordon i ka bërë thirrje Serbisë që të pranojë "realitetin" e pavarësisë së Kosovës, edhe nëse Beogradi nuk e njeh formalisht pavarësinë. Këto komente i bëri sekretari amerikan në samtin rajonal që po mbahet në Dubrovnik të Kroacisë.

"As ne, as BE-ja nuk pret që Serbia të njohë Kosovën në këtë pikë. Nuk do ta bëjë këtë", ka thënë ndihmës sekretari amerikan Gordon.

"Megjithatë, Serbia do të duhet të kuptojë realitetin se Kosova është një vend demokratik, sovran, i pavarur e multi-etnik brenda kufijve aktualë”, tha Gordon.

Gordon ka apeluar që Serbia ti japë fund mbështetjes për strukturat e paligjshme paralele dhe strukturat gjyqësore në pjesën veriore të Kosovës si dhe sigurimit të lëvizjes së lirë për të gjithë qytetarët pa dallim.