Inaugurohet ambasadorja Jacobson

Ambasadorja e re e Shteteve të Bashkuara të Amerikës, Tracey Ann Jacobson u inaugurua të enjten si ambasadore e re e këtij shteti në Kosovë. Ajo ia dorëzoi letrat kredenciale presidentes Atifete Jagjaga, ndërsa tha se SHBA-të janë e kanë që e kanë vend mikë Republikën e Kosovës.“Për Republikën e Kosovës zhvillimi i marrëdhënieve shumë të mira dhe miqësia e përhershme me Shtetet e Bashkuara të Amerikës është qenësore në zhvillimin tonë si shoqëri dhe si shtet demokratik i të gjithë qytetarëve të barabartë, pa dallim”, tha presidentja Jahjaga.Përkrahja dhe ndihma e vazhdueshme e Shteteve të Bashkuara të Amerikës, sipas saj, vlerësohet lartë nga populli ynë në rrugën tonë të çlirimit, të pavarësimit dhe të shtetndërtimit. “Kosova është faktor paqeje dhe stabiliteti që zhvillon marrëdhënie të mira fqinjësore dhe bilaterale me shumë shtete të cilat tashmë e kanë njohur pavarësinë e vendit”, tha më tej presidentja.Ndërsa ambasadorja Jacobson, duke folur në gjuhen shqipe dhe serbe tha se Kosova ka arritur përparime të jashtëzakonshme shumë sfera, që nga shpallja e pavarësisë. “Jam e bindur që duke punuar së bashku në partneritet, udhëheqësit e Kosovës mund të çojnë përpara sundimin e ligjit dhe të ndërtojnë një themel të fuqishëm për një të ardhme të begatshme, stabile e demokratike”, tha ajo.Ndryshe nga paraardhësit e saj në Ambasadën Amerikane, Tracey Ann Jacobson ka studiuar gjuhen shqipe dhe konsiderohet një albanologe e mirë.