KFOR-i kërkon ndihmë në veri

Paqeruajtësit e KFOR-it nuk do të lejojë asnjë zhvillim në terren, i cili kërcënon ambientin e qetë dhe të sigurt apo kufizon lirinë e lëvizjes.

Paqeruajtësit ndërkombëtarë të NATO-s në Kosovë (KFOR), apelojnë tek autoritetet përgjegjëse, që të intervenojnë në pjesën serbe të kufirit, për të ndaluar qarkullimin ilegale të mallrave për në portën 1 në Jarinje, në pjesën veriore të Kosovës që administrohet nga serbët lokal.

Paqeruajtësit e KFOR-it, siç thuhet në një njoftim, kanë vendosur disa pika kontrolli të automjeteve për të ndaluar qarkullimin e mallrave nëpër rrugë të paautorizuara përgjatë vijës administrative kufitare me Serbinë.

Aktualisht siç thuhet, KFOR-i nuk ka as mision e as kapacitet për t’i kontrolluar automjetet e rënda në pikat e kontrollit të automjeteve. Prandaj KFOR-i kërkon që trafiku i mallrave të kryhet duke përdorur ekskluzivisht kalimet kufitare të autorizuara siç janë vendkalimet zyrtare në Jarinje, Merdare dhe Brnjak.

“Pohimet se masat e KFOR-it aktualisht ndikojnë në furnizimin elementar të popullatës lokale nuk janë të sakta meqë hyrja në Kosovë mund të bëhet lehtësisht nëpërmjet Merdares dhe Brnjakut”

“Pohimet se trafiku komercial i vendosur ndërmjet vijës administrative kufitare dhe pikës së KFOR-it për kontroll të automjeteve është i detyruar të qëndrojë në vend, janë po ashtu false”, thuhet në deklaratën e KFOR-it.

KFOR-i,. Siç thuhet në komunikatë, nuk do të lejojë asnjë zhvillim në terren, i cili kërcënon ambientin e qetë dhe të sigurt apo kufizon lirinë e lëvizjes. Ndryshe, që nga bllokimi i pikave kufitare 1 dhe 31, kontrabandistët serbë kanë shfrytëzuar rrugët alternative për t’i ikur tatimit gjatë futjes së mallrave në Kosovë.

KFOR-i, deri më tani ka mbyllur disa rrugë ilegale, ndërsa serbët kanë hapur rrugë të tjera.