Me Shqipërinë edhe 100 vjet

Sekretarja amerikane e Shtetit, Hillary Clinton i ka dhënë mbështetje të fisshme integrimit dhe zhvillimit të Shqipërisë, ndërsa ka uruara politikanët dhe popullin shqiptar për 100 vjetorin e pavarësisë së Shqipërisë. Ajo në Tiranë është nderuar me dekoratën e ”Urdhrit të Flamurit”, ndërsa me duartrokitje të gjata, është pritur në Kuvendin e Shqipërisë.

Sipas mediave shqiptare, sekretarja Clinton pas takimit me kryeministrn Sali Berisha ka thënë se ndihet shumë e lumtur që ndodhet në Tiranë në ditën e parë të muajit të festimeve për 100-vjetorin e shtetit shqiptar.

“Shtetet e Bashkuara të Amerikës janë krenare që janë partnerët dhe miqtë e vendit tuaj në rrugën e konsolidimit të demokracisë dhe hapjes së ekonomisë. Ne ju urojmë për 100 vitet e para dhe konfirmojmë edhe bashkëpunimin e ngushtë për 100 vitet e tjera”, tha Clinton në fillim të takimit me Berishën.

Nga ana e tij, kryeministri Berisha, siç raporton TCH, vlerësoi lartë vizitën e sekretares amerikane të Shtetit në Shqipërinë, në 100-vjetorin e lindjes së shtetit. Clinton në Pallatin e Brigadave, ku zhvilloi një takim me presidentin e Republikës së Shqipërisë, Bujar Nishani u nderua me dekoratën e “Urdhrit të Flamurit”, që iu jepet vetëm personaliteteve të shquara.

"Lidhjet tona janë forcuar dhe shumëzuar dhe kjo nuk është vetëm midis qeverive, por edhe popujve tanë. Populli amerikan dhe ai shqiptar kanë të njëjtën aftësi për të treguar aftësi. Ju, sikurse ne, keni qenë të vendosur për të qenë të lire për të ndërtuar një demokraci të gjallë dhe ekonomi të lulëzuar dhe për të krijuar një të ardhme paqeje dhe oportuniteti për të gjithë. Jam shumë e lumtur për marrëdhëniet tona historike”, tha Clinton në Kuvend.

100 vjet më parë presidenti i SHBA-ve, Uillson, sipas saj, mbrojti pavarësinë e Shqipërisë dhe ndaloi copëtimin e këtij vendin në fund të Luftës së Parë Botërore.

“Nga dekada që kanë ndryshuar presidentët amerikanë demokratë dhe republikanë, ata kanë përkrahur me vendosmëri të drejtat dhe lirët e shqiptarëve, jo vetëm këtu, por në të gjithë rajonin. Isha shumë e lumtur që bashkëshorti im krijoi fondacionin e sipërmarrjes si Presidenti Klinton krijoi fondin e sipërmarrjes për të sjellë investime në Shqipëri. Bush u bë presidenti i parë që viziton Shqipërinë dhe në 2009, Obama kishte kënaqësinë t’ju ftojë si anëtarët më të rinj të NATO-s”, tha ajo.

SHBA-të, sipas saj, kanë qëndruar me ju për 100 vjetët e para të pavarësisë dhe do të qëndrojnë me ju edhe për 100 vjet të tjera.