Memoria bëhet dembele për shkak të internetit

Mediet elektronike prijnë në krahasim me tekstet dhe vëllimet e tjera enciklopedike, të cilat përdorën çdo ditë e më pak. Përtej aspektit formal, kjo dukuri ka ndryshuar edhe mënyrën sesi memoria jonë organizon vendosjen në tru të informacionit.

Kështu që neurologjia ka treguar se kapacitetet e memories ulën shumë kur truri ka gjithnjë një mundësi rezervë të gatshme (internetin) për të gjetur informacionin e duhur dhe këtë në mënyrë të vazhdueshme. Ky konstatim ka alarmuar një segment të komunitetit shkencor kohët e fundit si dhe gjithë ata që merren me zhvillimin e të rinjve.

A do të jenë amnezike gjeneratat e ardhshme?

Për të luftuar kundër të ashtuquajturit “blackt.out (kutia e zezë)”, neuropsikologu Francis Eustache, i intervistuar gjatë kësaj jave nga “LeNouvel Observateur”, konsideron të domosdoshme gjetjen e një ekuilibri në mes të memories së brendshme (që mbahet mend) dhe të jashtme (e cila duhet vetëm për momentin e caktuar). Edhe pse ai pranon se interneti stimulon reflekset dhe fleksibilitetin, ai gjithashtu siguron se ajo që fuqizon memorien është larmia e burimeve të informacioneve (librat, gazetat, interneti, etj...).

Kjo është vërtetuar edhe nga psikiatri Serge Tisseron: "Njerëzit sot janë rritur me një kulturë të lirisë. Është shumë e rëndësishme, ne duhet të ruajmë atë". Megjithatë, Serge Tisseron thotë se duhet mbrojtur rregullën e ashtuquajtur "3-6-9-12", e cila thotë: nuk ka ekran para moshës 3-vjeçare, asnjë videolojë para 6 vjetësh, nuk ka internet para moshës 9-vjeçare, si dhe nuk ka konsultime të webfaqeve pa qenë i kontrolluar para moshës 12- vjeçare.