Ndihma emergjente, vetëm për azilkërkuesit problematikë

Ndryshe nga Dhoma nacionale e parlamentit të Zvicrës, Komisioni i Dhomës së Kantoneve të këtij parlamenti është shprehur për një zbutje të masave restriktive për trajtimin e azilkërkuesve.

Kështu, komnisioni në fjalë ka kundërshtuar qëndrimin e marrë më parë nga Dhoma Nacionale, sipas të cilit të gjithë azilkërkuesve duhet t`u hiqen ndihmat sociale dhe tu lejohen vetëm ndihmat emergjente.

Komisioni është për atë që ndihmat sciale tu mohohen vetëm azilkërkuesve që bien në kundërshtim me ligjin. Por, këto ndihma për refugjatët, megjithatë, duhet të jenë për 30 për qind më të ulëta se sa ndihmat e rregullta sociale që jepen në Zvicër.

Edhe pse komisioni i Dhomës së kantoneve kundërshton Dhomën nacionale sa i përket ashpërsimit të kontestuar të Ligjit mbi Azilin, ai megjithatë tregon kujdes për shqetësimet që shpreh popullata e Zvicrës në lidhje me problematikën e azilit.