Nuk ka rezultate në Bruksel, takimi vazhdon nesër

Ka përfunduar takimi ndërmjet delegacionit të Kosovës dhe atij të Serbisë në Bruksel, pa asnjë rezultat. Palët nuk janë marrë vesh për asgjë dhe nuk ka asnjë konkluzion pas takimit. Kurse dialogu do të vazhdojë edhe nesër.

Shefi i ekipit negociator serb, Borisllav Stefanoviq ka deklaruar se pozicionet e të dy palëve janë edhe më të largëta.　

Ai ka thënë se pala serbe do të bëjë gjithçka është e mundur për të arritur marrëveshjen për përfaqësimin rajonal të Kosovës, raportojnë mediat serbe.

"Situata është shumë e vështirë dhe bisedimet ishin të vështira", ka thënë ai. Stefanoviq ka deklaruar se Serbia i mbetet besnike qëndrimit që në përfaqësimet rajonale të gjendet një zgjidhje e pranueshme, në përputhje me Rezolutën 1244.