Pritje të gjata të mërgimtarëve në kufi

Mërgimtarët shqiptarë, të cilët kthehen në vendlindje, tregojnë se në vendkalimin kufitar Tabanovc, që lidh Maqedoninë me Serbinë, pritjet janë shumë të gjata.

Nervozizëm shkakton neglizhenca e autoriteteve kufitare që assesi të mund të shkurtojnë kohen e pritjes prej më së paku 1 orë, transmeton "Zhurnal"..

Organet kufitare nuk kanë dhënë ndonjë sqarim për këtë tollovi, përveç se rekomandojnë që të udhëtohet herët në mëngjes, natën ose pasdite me qëllim që të shmangen kohët më të nxehta.

Mërgimtarët, shumica e të cilëve udhëtojnë me familje ankohen se gjatë pritjeve po kryhet një maltretim ndaj fëmijëve të cilët nuk mund të presin orë të tëra, sidomos gjatë mesditës kur temperaturat janë përvëluese.