Pronari i " Shtëpisë së Verdhë" paralajmëron grevë

Pronari i “Shtëpisë së verdh” ka paralajmëruar autoritete shqiptare por edhe ato të SHBA-ve se do të futet në grevë urie me të gjithë anëtarët e familjes së tij në rast se nuk i vihet “kapak” ankthit tete vjeçar të hetimeve të EULEX-it mbi shtëpinë e tij, që është përmendur nga senatori kontrovers zviceran, DikMarty.

Marty në një raport që ka publikuar në Këshillin e Evropës ka thënë se në fshatin Gurrë të Matit është një “Shtëpi e verdh” ku janë bërë transplantime të veshkave gjatë luftës së UÇK-së. Kjo shtëpi disa herë është hetuar dhe asnjëherë nuk është vërtetuar pretendimi i Martyit.

Pronari i shtëpisë Abdullah Katuçi kërkon që të mbyllet njëherë e përgjithmonë hetimin mbi këtë shtëpi. Katuçi, siç raport “ballkanweb” paralajmëron me greve urie si e vetmja zgjidhje që i ka mbetur atij dhe anëtarëve të tjerë të familjes, kundër hetimeve të njëpasnjëshme të ndërkombëtarëve.

Katuçi thotë se i ka dërguar letër dhe kryeministrit Sali Berisha, ndërkohë kërkon që ambasada e SHBA të hetojë akuzat në mënyrë që të zbardhet e vërteta ose në të kundërt së bashku me Prokurorin e rrethit Mat do nisin një greve urie, si shenjë proteste ndaj hetimeve që ai dhe familja e tij nuk i pranon.

Raporti i Martyt, ndërkaq konstatoi se objekti i njohur si “Shtëpia e Verdhë” është shfrytëzuar si burg ku mbaheshin të burgosurit serbë dhe shqiptarët kolaboracionistë, ndërsa heqja e organeve (transplanti) ndodhej në Fushë-Krujë, ndërsa nëpërmjet aeroportit Rinas transportoheshin nëpër Evropë.

Shqipëria dhe Kosova, ndërkaq janë shprehur të gatshme për hetime, derisa akuzat e Martyt i kanë quajtur skenar filmash të Spilbergut. Madje kryeministri Hashim Thaçi ka paralajmëruar se pas hetimeve do ta padisë senatorin Dik Marty me padi për fyerje dhe prishje imazhi.