Qeshja, ilaçi më i mirë kundër stresit

Sipas një studimi amerikan të botuar në revistën Psychological Science, buzëqeshja ul ritmin kardiak dhe ndihmon luftën kundër stresit.

Paramendoni se ju jeni në autobus ose po shkoni në një takim të rëndësishëm për të ardhmen tuaj. Në situata të tilla stresuese përpiquni të buzëqeshni. Po, po, është shumë e thjeshtë, buzëqeshja mbetët ilaçi më i mirë kundër stresit. Kjo këshillë e dhënë mund të duket tepër e butë, por është dhënë nga Sarah Pressman, një studiuese shumë serioze e Universitetit të Kansas-it.

Ajo ka kryer një studim për të mirat e të qeshurit kundër stresit dhe duket të jetë e bindur për rezultat. "Jo vetëm që ju do të ndjeheni psikologjikisht më mirë, sepse të qeshurit ndihmon për të mbajtur një buzëqeshje në të gjitha rrethanat, por ai gjithashtu ruan shëndetin tuaj të zemrës", siguron studiuesja.

Për të demonstruar të mirat e të qeshurit për shëndetin, hulumtuesit testuan përgjigjet e 169 studentëve nën stres. Ata fillimisht janë trajnuar për të mbajtur gojën e tyre me shkopinj, gjë që i detyronte ata të buzëqeshin.

Pastaj pjesëmarrësit kanë mbajtur shkopinjtë në gojë gjatë kryerjes së një sërë detyrash të vështira. Në mesin e ushtrimeve, zhytja e dorës së tyre në një tas me ujë akull. Studiuesit kanë vështruar sa ata që ishin të detyruar të buzëqeshin ishin më pak të stresuar se të tjerët.

Përfundimisht, personat e trajnuar për të buzëqeshur treguan një nivel më të ulët të stresit se ata të cilët mbajtën një shprehje neutrale të fytyrës. Shkencëtarët kanë kuptuar se ata që bëjnë një buzëqeshje të sinqertë, ajo buzëqeshje e famshme e ashtuquajtur “Duchenne”, e cila përfshin të gjithë muskujt e gojës dhe syve, ka një ritëm më të ulët të zemrës sesa të tjerët.

Kështu që një buzëqeshje apo një qeshje, edhe e forcuar, është më mirë sesa një fytyrë e mbyllur. Ky konkluzion nuk është edhe aq i habitshëm. Qeshja e vogël apo e madhe ka fuqinë të ngadalësojë ritmin e zemrës dhe të pushojë trupin tuaj si një stërvitje. Në të vërtetë, është treguar se kur qesh, sistemi nervor dhe gjëndrat endokrine prodhojnë substanca zbutëse. Truri lëshon endorphina, në fakt dhe serotonin, hormonet e mirëqenies duke luftuar kundër dhimbjes dhe për të sjellë një ndjenjë të këndshme të relaksimit.