Rreth 40% e bizneseve e korruptojnë administratën

Organizata Ndёrkombёtare e Punёs (ILO) nё bashkёpunim me Shoqatёn “ Biznes-Albania” me seli nё Tiranё, kanë bërë njё studim pёr mёnyrёn sesi operon biznesi nё Shqipёri dhe kanë konstatuar se rreth 40 për qind e bizneseve në këtë shtet e korruptojnё me ryshfete administratёn publike për t’ i ikur taksave. 

Raporti është nxjerrë nga anketimi i 500 ndёrmarrjeve  tё vogla dhe tё mesme nё nivel kombёtar. Konkluzioni i tij kryesor, sipas këtij raporti, ёshtё se bizneset e “zgjedhin ryshfetin nё vend tё ligjit” nё kushtet e njё administrate publike burokrate, jo efikase dhe tё  korruptueshme. 

Raporti të cilin e ka transmetuar DW, paraqet njё realitet ku 40 për qind nga 500 bizneset e vogla dhe  tё mesme tё intervistuara, pranojnё tё kenё paguar ryshfet pёr tё marrё nga administrata publike shёrbime. 

Sipas raportit subjektet private janё vonuar nga punonjёsit e administratёs tatimore, enkas qё t’i detyrojnё tё mbarojnё punë duke u dhёnё para nёn dorё. Ndёrsa  37 për qind e tyre thonë njё dukuri tjetёr: rritjen e barrёs fiskale dhe tё tarifave tё shёrbimeve nё atё masё, qё pёr bizneset  kostoja del mё e ulёt kur japin ryshfet nёn dorё sesa kur paguajnё taksat.