Sot, festa e Kurban Bajramit në Shqipëri dhe Maqedoni

Besimtarët myslimanë në Shqipëri e Maqedoni, kanë nisur kremtimin e Kurban Bajramit, njërën ndër festat më të rëndësishme të konfesionit Islam në botë. Besimtarët kanë falur në mëngjesin e të enjtes namazin e Bajramit, me të cilin zyrtarisht nisin tri ditët e festës së sakrificës.

Besimtarët të fesë islame, në dy qendrat e banuara me shqiptarë, Tiranë dhe Shkup, kanë mbushur xhamitë dhe sheshet për faljen e Bajramit. Ndërsa klerikët e  bashkësive islame kanë përcjellë mesazhe përgëzimi, me shpresë që besimtarët të reflektojnë ndjenjën e humanitetit, solidaritetit e bamirësisë.

Në Tiranë, sikurse edhe viteve të tjera, në mungesë të xhamive, besimtarët kanë mbushur bulevardin “Dëshmorët e Kombit” në qendër të qytetit, ndërsa policia kishte bllokuar qarkullimin e automjeteve për të krijuar kushtet të nevojshme për faljen e namazin të Kurban Bajramit. Ndërsa në Maqedoni namazi i Kurban Bajramit është falur nëpër xhami, nëpër të gjitha qendra ku jetojnë myslimanët.

Shqiptarët në Ballkan, këtë festë e kremtojnë të ndarë, derisa Shqipëria dhe Maqedonia e kanë nisur sot kremten e Bajramit, Kosova dhe Lugina e Preshevës e festojnë nesër.

Kjo ndarje ka ndodhë pasi që Shkup e Tirana së bashku me Turqinë, e kanë caktuar këtë datë në bazë të kalendarit të hixhretit më herët, ndërsa Kosova e feston bashkë me Arabinë Saudite. Bashkësia Islame e Kosovës shtyrjen e kësaj feste e ka lidhur me daljen e haxhinjve në Arafat.

Kjo ndarje në Ballkan është reflektuar edhe të shqiptarët në diasporë, disa mërgimtarë e kanë nisur sot kremten e Bajramit, ndërsa disa të tjerë e nisin nesër.

Kurban Bajramin kurorëzohet me vizitën në Mekë - haxhi, që është kushti i pestë i Islamit. Në këtë ditë myslimanët e botës, në bazë të kushteve ekonomike, therin kurban (dele, dash, cjap, gjedhe, deve) që simbolizon sakrificën e njeriut ndaj Allahut. Një e treta e mishit të kurbanit, duhet t’u shpërndahet njerëzve në nevojë.

Kjo ditës festohet që nga periudha e profetit Ibrahim, i cili për nder të Allahut ai kishte vendosur që ta ther kurban të birin e tij të vetëm, ismailin. Në momentin kur profeti Ibrahim nisi ta sakrifikojë të birin, një engjëll ia solli atij një dash. Dhe që nga ajo kohë myslimanët e botë therin kurban.