Të rinjtë me borxhe

Një studim tregon se shumica e të rinjve në Zvicër kanë borxhe. Të rinjtë kanë shumë borxhe, sidomos për telefon dhe internet, ndërsa vajzat e reja kanë shumë fatura të pashlyera mjekësore.

Sipas studimit, të rinjtë kanë më shumë borxhe se të moshuarit mbi 33 vjeç. Këto të dhëna i ka bërë publike një studim i kryer nga “Intrum Justitia” me të rinjtë në Zvicër "Radari i borxheve për të rinjtë 2012». Organizata në fjalë për herë të dytë realizon një hulumtim për borxhin e të rinjve në Zvicër.

"Është e lehtë të hyjnë në borxhe, por e vështirë për t’i shlyer ato", tha Thomas Hutter nga “Inkassotreuhandinstitute” (VSI).

Të rinjtë kanë vështirësi sidomos për të hequr qafe borxhet e tyre që kanë mbetur shumë mbrapa. Bëhet fjalë për të rinjtë ndërmjet moshës 18 dhe 25 vjeç. Pas pesë vjetëve 37 për qind e të rinjve janë ende në borxhe.

Organizata “Intrum Justitia” është përfshirë që nga viti 2004 në një fushatë parandaluese kundër përfshirjes së të rinjve në borxhe.