Tensionohen raportet Greqi-Maqedoni

Mosmarrëveshjet ndërmjet Maqedonisë dhe Greqisë që kanë filluar për emrin, janë intensifikuar edhe më shumë. Është Athina zyrtare ajo që iu është kundërpërgjigjur 　Shkupit zyrtar, duke ia ndaluar qarkullimin e trenave nëpër Ish Republikën Jugosllave të Maqedonisë, pa asnjë paralajmërim. 　

Këtë lajm të cilin e raporton INA, e kanë konfirmuar zyrtarë nga ndërmarrja Hekurudhat e Maqedonisë, që përmes një komunikate janë informuar nga autoritetet e hekurudhave greke se transporti hekurudhor ndërshtetëror midis dy vendeve do të jetë i ndërprerë gjatë dhjetë ditëve të ardhshme.

Ndryshe, sipas medieve maqedonase, linja sezonale Shkup - Selanik - Shkup ka qenë e vetmja aktive ndërmjet dy vendeve.

Ndërkaq një incident tjetër po ashtu ka ndodhur në hekurudha, në relacionin Manastir-Shkup, ku disa persona e kanë gjuajtur me gurë trenin në afërsi të Draçevës. Sipas informatave janë thyer xhamat e kabinës dhe është lënduar makinisti, i cili ka kërkuar ndihmë në Qendrën Spitalore në Shkup.

Ndryshe Greqia dhe Maqedonia　 nuk kanë raporte të mira fqinjësore për shkaka të emrit. Shteti helen refuzon ta njoh Maqedoninë me këtë emër për shkaka të kaluarës historike, ndërsa Shkupi zyrtar ka hezituar t’ia ndryshojë emrin shtetit. Kjo çështje ka ndikuar që Greqia ta bllokojë perspektivën evropiane të Maqedonisë dhe ta zvarritë hyrjen e saj në NATO.