Zvicra "i heq bërllokun" Hanit të Elezit

Projekti Zvicër – Kosovë për përkrahje të qeverisjes lokale dhe Decentralizim LOGOS ka përkrahur një plan të komunës së Hanit të Elezit për menaxhimin e mbeturinave.

Plani është implementuar nga Helvetas Swis INTERCOOPERATION. Falë donacionit prej prej afro 40.000 €, të gjitha familjet e komunës do të furnizohen me kontejnerë për mbeturina.

Drejtoria e Shërbimeve Publike këtë javë në përputhje me këtë plan filloi implementimin e projektit të shpërndarjes së kontejnerëve për çdo familje të komunës së Hanit të Elezit, shkruan në portalin e internetit të kësaj komune.

Ky projekt mbulon 95% të territorit të komunës, do të ketë orar të saktë të bartjes së mbeturinave.

Sipas këtij plani secila bashkësi familjare me marrjen e kontejnerit do të nënshkruaj edhe një kontratë me të cilën do të obligohet që të paguajë nga 3 € në muaj, ndërsa bizneset do të paguajnë nga 9 € në muaj. E tërë kjo përllogaritje është bërë me çmimin minimal të kostos së përgjithshme.

Komuna ka kontribuuar me 7000 euro në këtë projekt.