Ekonomi

Credit Suisse mund të ndahet në tre njësi

Aksionari më i madh i Credit Suisse kërkon të ndryshojë menaxhimin e bankës, që të marrë në konsideratë elementet e një plani investimesh të investitorëve aktivistë, duke përfshirë edhe idenë e zhvendosjes së bankës investuese të grupit nga Zvicra në SHBA.

Harris Associates, që zotëron 9 për qind të Credit Suisse, beson se plani i aktivistit, i paraqitur nga RBR Capital Advisors, ka pak merita, por David Herro, zyrtari ndërkombëtar i investimeve Harris, është shprehur për “Financial Times” se propozimi i RBR-së “ka disa pika që kërkojnë një mendim të dytë”, shkruan ‘Monitor’.

“Financial Times” ka raportuar se RBR, një fond i vogël mbrojtës zviceran, kishte fituar një fond prej 0.3 për qind në Credit Suisse dhe po përgatiste të fillonte një fushatë aktiviste për të ndarë bankën në tre, përcjell albinfo.ch.

Analistët kritikuan propozimet e ristrukturimit si jo praktike dhe potencialisht të kushtueshme dhe thanë se parashikimet e vlerësimit ishin joreale.

RBR beson se ndarja e Credit Suisse në një njësi bankare me pakicë të menaxhimit të pasurisë, një njësi bankare investuese dhe një menaxher i aseteve mund të krijojë biznese me një vlerë agregate prej 80 miliardë dollarësh, duke dyfishuar kapitalin e tregut aktual të bankës.