Bota
Dëbohet prindi me katër fëmijë, nëna tenton vetvrasjen
Rrethina Alzey-Worms në Gjermani, ka deportuar në Kosovë një person dhe katër fëmijët e tij, edhe pse nëna e fëmijëve pas një përpjekje vetëvrasëse, ishte pranuar në një klinikë një ditë më parë.
Nëna në klinikë ishte dërguar pasi kishte marr një mbidozë medikamnete të gjumit. Siç informon përkujdesësi i familjes, Aleksandar Ceh, një natë më pas ishin marr bashkëshorti dhe fëmijët me qëllim që të dëbohen. Incidenti kishte ndodhur dy javë më parë.
Ceh akuzon Zyrën gjermane të migrimit që ka vepruar me një ashpërsi deri më tani të paparë në Rheinland-Pfalz. Edhe pas dy më se javësh të dëbimit të bashkëshortit me fëmijët, gruaja gjendet në trajtim jekësor.
Këshilli komunal ka njoftuar se autoritetet e migrimit nuk kanë pasur njohuri për qëndrimin në spital të gruas, deri në momentin që po e dëbonin familjen. Familja kosovare ka qenë e paralajmëruar që të largohet nga territori gjerman që më herët, shkruan “SWR”, përcjell Albinfo.ch.
Në Gjermani kishin ardhur që nga viti 2014, por asnjëherë nuk ka paraqitur kërkesë për azil. Në vend të kësaj, kosovarët fillimisht janë toleruar për shkak të problemeve shëndetësore.
“Zyra e migrimit kërkon bashkimin e shpejt familjar në vendin e origjinës”, kanë shkruar nga këshilli komunal në një opinion lidhur me ngjarjet. Një kërkesë urgjente e avokatit të familjes kundër deportimit tashmë të babait dhe fëmijëve, ishte refuzuar nga Gjykata administrative në Mainz. Një ndarje e përkohshme e familjes “nuk është e paarsyeshme”, thuhet në vendimin e gjykatës (AZ: 4 L 639 / 18.MZ). Sipas informatave të Ceh, antarët e familjes i përkasin pakicës së diskriminuar në Kosovë, ashkali, që i përkasin grupit etnik rom, ka përfunduar Ceh.
Të ngjashme
Të tjera nga Bota
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Veçanërisht të moshuarit kanë votuar për pensionin e 13-të Po ashtu kishte një Po të qartë mes njerëzve pa një preferencë të qartë partiake dhe...
-
Zvicër: Kostot e sistemit shëndetësor kanë arritur 91.5 miliardë franga
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat