Kosova

Delawie fton deputetët ta votojnë demarkacionin

Ambasadori i Shteteve të Bashkuara të Amerikës në Kosovë, Greeg Delawie ka kërkuar nga deputetët e Kuvendit që ta votojnë marrëveshjen e demarkacionit.

Ai tha se vota për këtë marrëveshje do të tregojë se cilat parti janë serioze,  për ta qeverisur Kosovën për të mirën e qytetarëve të saj, e cilat janë të interesuara vetëm për të shënuar pikë politike, përcjell albinfo.ch.

“Sot Kuvendi ka mundësi të ecë përpara dhe të shënojë fitore për qytetarët. Dy vjet e gjysmë të integrimit të mundshëm kanë humbur. Kosova nuk ka kohë të humbë, po aq sa është për liberalizim të vizave, kjo çështje është edhe për të caktuar kufirin me një vend mik e anëtar në NATO. Kjo votë do të tregojë kush është i interesuar për qytetarët e kush të shënjojë poena politikë. Ju bëj thirrje të gjithë deputetëve të votojnë PËR.  Abstenimi ose mosparaqitja në seancë do të thotë votë kundër. Mos i lini qytetarët tuaj në izolim. Votoni për të ardhmen e Kosovës. Votoni për Demarkacionin”, ka thënë Delawie.